Kasus Penganiayaan Artis (lagi)

Kalo ga salah, baru beberapa hari nyang lalu ade kasus pemukulan Tamara Geraldine terhadap Farly Saerang, eh.. pagi tadi Tjeu Mimin ngabarin aye lagi, kalo smalem ade kasus penganiayaan artis lagi..

Cuwape deh...!!!

Tjeu Mimin cerite, kalo korbannye kali ini penyanyi dangdut bername Poppy Maretha. Aye langsung geleng-geleng aje pas ndenger name ntu penyanyi..

"Siape..?? Poppy Maretha..?? Artis mane sih..?"

"ntuh loh, Poppy Maretha nyang pernah jadi Miss Persahabatan di Miss Indonesia 2005, pemaen sinetron ame penyanyi dangdut.."

tetep aje aye geleng-geleng...

Critanye gini:

Poppy maretha dianiaya ame pacarnye, Khairin -Pengusaha Batubara asal Kalimantan- (wuih, banyak banget sih pengusaha batubare punya pacar penyanyi dangdut yah..?) lantaran cemburu. Selidik punye selidik, Poppy ame manajernye lagi ngomongin masalah album, tapi Khairin dah kburu kemakan api cemburu, trus ngajakin balik dan terjadilah kasus penganiayaan ntuh...

Muke Poppy katenye sampe bonyok gitu, trus ditambah adegan pencekikan.. (wah kaye pelm-pelm deh, untung ga nyampe masuk rumah sakit..)

Pas beberapa wartawan minte konfirmasinye, Poppy lebih banyak nangis.

"Aye cume berusahe mempertahankan cinte aye ame abang, walopun sering sakit gare-gare dipukulin, tapi aye ga mau kalo pacar aye dipenjara. Aye cinte ame die..."

Yo owloooh, tolong...!!!

Bey d Wey,,

ntuh cinte mati ato ga rela ditinggal pacar nyang punya harte melimpah, neng?

jawab aje deh, ga ada yang tauw ko...

Hu Hu Hu....